سيد السباعي / العمر
العمر
العمر محسوب عند ربنا
بالتمام والكمال
والمكتوب ما فيش منه هروب
لو حتى تستخبى في الجبال
ناس كثير عايشين وما فيش
حاجه شغلاهم الا المال
وناس عايشه وحمده ربنا
ومرتاحه في عيشتها
بالرزق الحلال
وناس عايشه في الدنيا طول
عمرها مش شايلين هم
تيجي تعاملهم تلاقي
اقولهم زي العيال
وناس كبيره حكيمه عمرها
ما جت في يوم وقالوا
قلنا وقال
الدنيا صغيره بس فيها
حاجات كثيره اوحش ما فيها
الذنوب اللي ما تقدرش
تتحملها حتى الجبال
ده كل بني ادم عايش في الدنيا
عارف ان العمر مهما طال
لازم يبقى محضر نفسه للسؤال
عملت ايه في دنيتك
ومنين جبت المال
ويبقى عارف ان العمر محسوب
والرزق مكتوب كله عند ربنا
بالتمام والكمال
بقلم سيد السباعي شاعر الغربه
تعليقات
إرسال تعليق