ما حنيتي لي...... بقلم: زهير جبر
ماحنيتي لي
**********
أنا بلياچ
كل أيامي متوجعه
انا بلياچ جرف
وفارگاه الماي
وأتحسر عليچ
بروح متوجعه
وأرجع للصور..
واتنفس الشهگات
وأحس بنار
من عدهن تچويني
وأحسَّن بيچ ..
جوه گليبي تنبضين
بس انتي يروحي
اللي تداويني
ولهذا السبب مابيه كل الحيل
وعيوني عليچ هواي تاذيني
ماحنيتي لي ..
ولا حرگ گلبچ شوگ
ولا هزچ رياح الشوگ لسنيني
معقوله نسيتي أيام ماتنسى
وأنتي الشهد بيها ..
وماتمليني..
گوليلي:
معقوله چنت مخدوع
بيچ وهسه عفتيني
معقوله العشگ چذبات
بس شوغه يراويني
إذا إحساسي يخدعني..
وإذا بالحب بعد ما أشوف
چا المن يدگ گلبي ويناغيني
گلت لگلبي من تعشگ
أخاف عليك تلچمني
وتأذيني
وأخاف الناس تصدمني
واظل نص الدرب محتار
لا واصل لحبي
ولا يماشيني
د. زهير جبر التميمي
تعليقات
إرسال تعليق