د. حسن الشوان / قبر مهجور
........... قبر مهجور ............
عمر السجين ما ينسى السجان
ويفتكره مهما طال عمره
والمظلوم جواه غضب بركان
كل حرف بيكتبه بضوافره
وكل دقيقه ليها الف اوان
ملضومه بجدووور صبره
محفورة على كل الجدران
إللى شمت انفاسه ف سهره
ومهما على الحاجز الشمس تبان
ومهما طال الليل الفجر له أذان
والسعى لله لكل مخلوق شقيان
والشروق يصحى العصافير
واسراب الحمام توحد الرحمن
والبلابل تتمايل مع الزهور
والملك لك لك تسبيح الكروان
والسما يزيد نورها فى كل مكان
تنعش القلوب فى الصدور
وجوة القمقم عايش كام إنسان
و ترنيمة الأدعية من كل لسان
وكفوف مرفوعه بالخير والإيمان
بتشق عتمة الليل بالنوور
عمر السجين ما ينسى السجان
ولو اتقفلت عليه كل البيبان
والمظلوم وهبه الله طاقة نور
تكشف له اللى راح واللى كان
ولو حتى عاش فى قبر مهجور
..........................................
......
.... د. حسن الشوان 🇪🇬 .....
تعليقات
إرسال تعليق