ابو سعد طليع /

 جَن الوحي وللعقل قَلو

     شو صايبو هالشَعب كِلو

قلوب الناس صَفوا حجار

     وصارو بمشاكل بعض يتسلو

والخَي بَطل عَ خَيو يغار

     وضميرو كُثر الطمَع شَلو

وقَلة الالفه بِقلب الدار

     وقَلو لكانو لربهُن يصَلو

ولا يفرِح فَرَح او مشوار

     وكِثر المَرض والناس ينعلو

حتى الجَار مابقى للجَار

     والاحباب من بعضهن مَلو

والنَحل عميهرب مِن الازهار

     حتى دُعاة الخَير قَلو

وصفى العُمر شقىَ واخطار

     والقَمَر عمبيخاف من ضِلو

رَد العقل بسطرين زغار

     هالارض عمتزحف عالزوال

   ومنها اهل الوفا فَلو

*******★ابو شادي★********

******★27/6/2024★******